«موسيقى ساخرة».. شوبير يكشف تفاصيل رحيل لاعب الزمالك

كشف الإعلامي أحمد شوبير، عن تفاصيل رحيل خوان بيزيرا، لاعب الزمالك، خلال الفترة المقبلة، والانتقال إلى شباب أهلي دبي، بعد عودته إلى القاهرة عقب فترة من الانقطاع. وقال شوبير عبر إذاعة "أون سبورت إف إم": "نزل تتر النهاية بتاع تاتارااتاااا لمسلسل ليالي بيزيرا الشهير بليالي الحلمية، انتهى تمامًا عند الأمس". وأضاف: "إللي أنا قولته بالظبط هو اللي حصل، أول حاجة اللاعب نشر بيان شكر نادي الزمالك والجماهير والهتافات والمحبة وأنا عايز أمشي والعلاقات طيبة وبعتذر إني زعلت حد. وهذا كان الاتفاق اللي تم بين إدارة الزمالك واللاعب ومحاميه وأبوه". وأكمل: "الزمالك لم يكن أمامه غير إنه يوافق على رحيل بيزيرا. اللاعب عايز يروح شباب أهلي دبي والزمالك في أشد الحاجة للفلوس، واللاعيبة عايزة فلوس، والفريق ماشي كويس من غير بيزيرا". وتابع: "الاجتماع اللي حصل كان في منزل الكابتن حسين لبيب، وبتواجد حسين السيد وعمرو أدهم أعضاء مجلس الإدارة، وبيزيرا كان معاه أبوه واخوه ومترجم هو جابه وواحد من أصدقائه، القصة كانت نصف ساعة، قاله معندناش مشكلة لمسألة بيعك والقصة خلصانة، الزمالك سيحصل على 3 ملايين دولار كاش، ومليون دولار في فبراير ومليون دولار في أغسطس".